Zelai errea bai gaur egun eta bai antzinan oso jolastua izan da umeen artean. Hori dela eta, aukeratu egin dut. Gogora dezagun joku polit hau eta nola ez, jarrai dezagun jolasten!
JOLASAREN IZENA: Zelai errea (beste leku batzuetan ere "balon prisionero", "vivos y muertos", "brilé"... izenak izan ditu besteak beste).
PARTAIDE KOPURUA: Nahi diren beste.
ROLAK: Erretak, erregabeak eta kapitainak
JOKUA: Lurzoruan errektangelu bat finkatzen da, zelaia izango dena, eta hau bitan banatzen da. Hasi baino lehen, umeak bi taldetan banatu behar dira eta talde bakoitzeko kapitain bat izendatuko dute.
Talde bakoitza bere zelai erdian jarriko da eta kapitainak, kontrako taldearen zelaiaren atzean dagoen eremu finkatu batean. Orduan hasiko da jokua.
Jolasteko, talde bakoitzak baloiarekin emanez kontrako taldekideak erre behar dituzte. Norbait erreta dagoenean kapitaina dagoen lekura joango da eta kapitaina bere taldearengana itzuliko da. Gainerako taldekideak, erreta badaude ere, ezin dira berriz bere zelaira bueltatu.
Erretak kapitainaren eremuan daudenean ahal izango dute baloia hartu (eremu barruan badago) eta kontrako taldekideei jaurti erretzeko. Baita legezkoa da erreten eta taldekideen artean baloia pasatzea.
Batek baloia airean hartzen badu, erreta dagoen bere taldeko bat askatu dezake.
Baloia soilik eskuekin bota daiteke eta azkenean, jokalari guztiak erreta dituen taldeak galduko du jokoa.
